ਸਿੱਖ ਨੌਜਵਾਨ ਜਗਜੀਤ ਸਿੰਘ ਨੇ ਲੰਡਨ ਮੈਰਾਥਨ ਵਿਚ ਲਿਆ ਹਿੱਸਾ

 ਜਗਜੀਤ ਸਿੰਘ ਲੰਡਨ ਮੈਰਾਥਨ ਵਿਚ

ਅਪਾਹਜ ਲੋਕਾਂ ਦੀ ਦੇਖ-ਭਾਲ ਕਰਨ ਵਾਲੀ ਚੈਰਿਟੀ ਲਈ ਕੀਤਾ ਫੰਡ ਇਕੱਤਰ
ਲੰਡਨ, 3 ਮਈ - ਸਿੱਖ ਨੌਜਵਾਨ ਜਗਜੀਤ ਸਿੰਘ ਨੇ ਲੰਡਨ ਮੈਰਾਥਨ ਵਿਚ ਹਿੱਸਾ ਲਿਆ। ਇਸ ਮੈਰਾਥਨ ਦੌੜ ਵਿਚ 100 ਤੋਂ ਵੱਧ ਮੁਲਕਾਂ ਦੇ ਅਥਲੀਟਾਂ ਨੇ ਹਿੱਸਾ ਲਿਆ। ਜਗਜੀਤ ਸਿੰਘ ਨੇ ਇਹ ਮੈਰਾਥਨ ਵਾਈਟ ਲੌਜ ਨਾਮ ਦੀ ਚੈਰਿਟੀ ਲਈ ਪੂਰੀ ਕੀਤੀ ਅਤੇ ਚੈਰਿਟੀ ਨੂੰ 2050 ਪੌਂਡ ਇਕੱਠੇ ਕਰਕੇ ਦਾਨ ਦਿੱਤੇ। ਇਹ ਚੈਰਿਟੀ ਅਪਾਹਜ ਬੱਚਿਆਂ ਸਮੇਤ ਹਰ ਉਮਰ ਦੇ ਅਪਾਹਜਾਂ ਦੀ ਦੇਖ-ਭਾਲ ਦਾ ਕੰਮ ਕਰਦੀ ਹੈ। ਸ: ਜਗਜੀਤ ਸਿੰਘ ਨੂੰ ਮੈਰਾਥਨ ਵਿਚ ਹਿੱਸਾ ਲੈਣ ਆਏ ਆਸਟਰੇਲੀਅਨ ਦੌੜਾਕਾਂ ਨੇ ਦੁਨੀਆ ਦੇ 5ਵੇਂ ਮਹਾਦੀਪ ਵਿਚ ਹੋਣ ਵਾਲੀ ਮੈਰਾਥਨ ਵਿਚ ਹਿੱਸਾ ਲੈਣ ਲਈ ਸੱਦਾ ਪੱਤਰ ਦਿੱਤਾ ਹੈ।